Dy shtetas shqiptarë, një burrë dhe një grua, u arrestuan nga policia italianë nën akuzën e shpërndarjes së drogës.
Jurgen S., 41 vjeç dhe partnerja e tij E.M., 21 vjeçe u arrestuan nga policia e Ravennas.
Të arrestuarit kishin përshtatur një banesë në bazë për shpërndarjen e drogës, ndërsa policia ndërhyri në mënyrë të befasishme në një operacion në datën 3 tetor.
Policia arriti të gjente dy pustina që përmbanin rreth 140 gram kokainë, dy peshore preçize dhe një biçak me gjurmë të substancës së paketuar.
U sekuestruan edhe tre telefona celularë, një portofol dhe një arkë kursimesh që përmbante më shumë se dy mijë euro.
Mediat italiane raportojnë se 41-vjeçari kishte disa preçedentë, edhe për veprat penale të trafikut të drogës. Ndërsa gruaja, e papunë, ka rezultuar e pa skeduar nga policia italiane.
Por një hetim i thelluar i policisë italiane, ka zbuluar se shqiptari ishte i kërkuar edhe më parë. Në atë periudhë ai ishte zhdukur, ndërsa është shfaqur pas më shumë se 10 vitesh me një document të ri.
Duke lidhur të dhëna të ndryshme dhe duke rindërtuar lëvizjet e tij të fundit në vendet e vuajtjes së dënimit, u bë e mundur që të zbulohej se identiteti aktual ishte i lidhur me një tjetër emër, Julian, subjekt në kërkim që nga viti 2008, mbi të cilin ishte lëshuar edhe një urdhër arresti për vepra penale në lidhje me drogën. /tesheshi.com/
