Përpara raundit të dytë të konsultimeve që Presidenti italian Sergio Mattarella do të zhvillojë me palët për të zgjidhur krizën politike, 5 Yjet dhe PD janë afër një marrëveshjeje për të formuar një qeveri të re.
Partia Demokratike ka treguar se ajo ka vendosur veto mundësinë e rikthimit të Giuseppe Conte si kryeministër në një mandat tjetër, raporton Reuters.
Më parë, Conte, i cili nuk është anëtar i asnjë partie, por afër 5 Yjeve, dha dorëheqjen pasi koalicioni mes kesaj lëvizjeje dhe LEGA-s u rrëzua për shkak të tërheqjes së drejtuesit të saj Matteo Salvini nga pozicioni i tij si zv/kryeministër.
Pastaj, gjatë raundit të parë të konsultimeve, Presidenti Mattarella i dha 5 Yjeve një mundësi për të shmangur zgjedhjet e parakohshme duke formuar një koalicion të ri me Partinë Demokratike.
Riemërimi i Conte në postin e Kryeministrit, i kërkuar nga Pesë Yjet, dhe të cilin Partia Demokratike e kishte kundërshtuar më parë, u pa si një pengesë kryesore për të arritur një marrëveshje midis dy partive tradicionale rivale.
“Ne po punojmë për t’i dhënë Italisë një qeveri të re. Unë mendoj se jemi në rrugën e duhur. Unë jam optimist’, tha Nicolo Zingaretti, kryetar i Partisë Demokratike.
“Ne duhet të mbledhim një buxhet për vitin 2020 që kërkon një qeveri të re, serioze dhe autoritare”, shtoi ai.
Conte ishte një avokat i panjohur para se LEGA dhe 5 Yjet ta zgjidhnin atë për Kryeministër pas zgjedhjeve të marsit 2018.
Ai aktualisht është politikani më i njohur në Itali, sipas sondazheve.
Salvini ka lënë koalicionin qeverisës me shpresën për të përfituar nga popullariteti i partisë së tij anti-emiugrante në zgjedhjet e parakohshme.
Sidoqoftë, për shkak të lëvizjes së tij, nëse 5 Yjet dhe Partia Demokratike formojnë një koalicion të ri, LEGA e tij do të dilte në opozitë.
Sipas sondazheve, LEGA ka humbur mes 5 dhe 7 përqind të popullaritetit që kur rrëzuan qeverinë, por ajo mbetet partia më e popullarizuar në Itali, e ndjekur nga Partia Demokratike dhe 5 Yjet. /tesheshi.com/
