Rreth 6,000 njerëz janë bllokuar në një kroçere italiane ndërsa po kryhen teste mbi dy pasagjerë kinezë, të cilët dyshohet se janë infektuar me një koronavirus, tha një të enjte një zëdhënës i kompanisë së transportit.
Çifti mbërriti në Itali në 25 janar dhe hipi në anijen Costa Smeralda të njëjtën ditë në portin e Savona-s. Pas kësaj, ata kanë ethe dhe vështirësi në frymëmarrje.
Kroçera ishte në disa vende para se të zbarkonte të enjten në bregdetin italian.
Askush nuk lejohet të largohet nga anija derisa të përcaktohet nëse çifti kinez është apo jo i infektuar me virusin vdekjeprurës, tha një zëdhënës i kompanisë së transportit.
Ai tha se mund të duhen “disa orë” para se të sqarohej situata.
Shumë vende sot filluan të izolojnë mijëra njerëz të evakuuar nga qyteti kinez Wuhan, epiqendra e epidemisë, për të parandaluar përhapjen e virusit. /tesheshi.com/
