Qeveria italiane do të subvencionojë qytetarët për blerjen e një biçiklete apo skuteri të ri elektrik me 500 euro, njoftoi ministrja e Transportit Paola De Micheli. Ajo tha se masa do të jetë pjesë e një pakete stimulimi prej 55 miliardë eurosh për të forcuar ekonominë.
Subvencioni do të kufizohet në banorët e qyteteve me të paktën 50,000 banorë dhe qëllimi është të stimulojë “lëvizjen e gjelbër” pas heqjes së masave për të luftuar pandeminë.
Ministrja tha se për shkak të nevojës së distancës sociale, e cila do të mbetet në fuqi, më pak njerëz do të jenë në gjendje të udhëtojnë me autobusë dhe tramvaje, gjë që do t’i detyrojë ata të marrin në konsideratë format e tjera të ardhjes në punë, siç është biçiklizmi.
Prandaj qeveria po planifikon ndryshime në shenjat rrugore për të bërë më të lehtë për zyrtarët e qytetit që të krijojnë shtigje të reja biçikletë, tha De Micheli. /tesheshi.com/
