Ministria për Komunitete dhe Kthim e Kosovës ka njoftuar se në fshatin Dragoljevc të komunës së Istogut janë djegur materiale ndërtimi të shtëpive të të kthyerve serbë.
Siç thuhet në një njoftim për media, “janë djegur dyert dhe materali ndërtimor për shtëpinë e Ranko Miljokoviqit, si dhe ai për familjen e Blagoje Zuviqit, i cili sot është dashur të fillojë ndërtimin e shtëpisë”.
Më tej në kumtesë thuhet ky inicident dhe potesta kundër të kthyerve e organizuar para disa ditësh në Lubozhdë të Istogut, japin të mendojnë se dikush seriozisht është kundër procesit të kthimit të serbëve.
Ministria për Komunitete dhe Kthim më the thotë se ka vështirësi në të gjitha sferat e kthimit dhe incidentet e tilla e vështirësojnë edhe më tej punën e rëndë për kthimin e atyre që janë të interesuar për t’u kthyer.
“Ne do të vazhdojmë të jemi në teren me të kthyerit dhe do t’ju ofrojmë mbështetje që të mbijetojnë në vendet e kthimit. Policia e Kosovës duhet t’i zgjidh rastet e tilla në mënyrë që të kthyerit të jenë të sigurt dhe kthimi të jetë i suksesshëm. Me të vërtetë jemi të brengosur për secilin të kthyer, por edhe përkundër të gjitha sulmeve dhe protestave të dedikuara kundër kthimit të të zhvendosurve, ne nuk do të dorëzohemi dhe do të jemi së bashku me ta këmbëngulës në qëllimin përfundimtarë”, thuhet në deklaratë. /tesheshi.com/
