Ai është vetëm 17 vjeç. Talenti e ka çuar tek Milani i madh, e nesër pritet të luajë me fanellën e legjendarëve italianë në ekipin e parë. Ismet Sinanit pritet t’ia “dëgjojmë krisëm” shumë shpejt si shumë e shumë shqiptarë të tjerë vitet e fundi, të cilët kanë bërë emër në fubollin botëror. Por si kosovar që është, edhe ai patjetër që do vuajë nga dilemat se me ç’përfaqsuese do të luajë. Për momentin, është një kuqezi…
.
Intervistoi: Mensur Krasniqi
“Djaloshi artë” – kështu të kanë përshkruar disa media pas paraqitjes suaj në trajnimet me ekipin e parë të Milanit. Sa vite keni aty?
Unë jam pjesë e familjes madhe të ekipit Milan qe 4 vite të plota.
Po si ndodhi që përfunduat në Itali e më pas në Milanelo?
Unë që nga lindja jetoj në Itali, ndërsa prindërit i kam nga Celina, fshat afër Rahovecit të Prizrenit. Hapat e para në futboll unë i fillova në ekipin Montebelluna të Venecias. Pas paraqitjeve të mia të mira dhe falë talentit që ma ka dhuruar Zoti, ekipi i Milanit me drejtorin e tyre, Galianin shfaqen interes për mua. Në ndërkohë kisha edhe oferta tjera, nga Interi dhe Juventusi.
Mirëpo ishte një dëshirë e imja fëmijërore të luaj për Milanin, dhe kështu iu dorëzova edhe këmbënguljes që tregoi Galiani për t’më siguruar me çdo kusht të jem pjesë e Milanit. Dhe kam 4 vite që jam pjesë e Milanit. Para një viti kam nënshkruar kontratën 3-vjeçare si futbollist profesionist. Në ndërkohë kam nënshkruar kontratë edhe me Adiddasin.
Cila është ndjenja të stërvitesh në një ndër ekipet me më së shumti trofe europianë?
Më duhet ta pranoj se kjo nuk është hera e parë që unë bëj stërvitje me ekipin e parë të Milanit. Padyshim që është një ndjenjë mjaft emocionuese që të jem krah me lojtarë të klasit botëror, ku po plotësohet edhe ëndërra që kam pas që kur kam qenë fëmijë.
Milani po vuan një kohe të gjatë nga forma e keqe. Çka është problemi, dhe shpresoni se këtë vit do sigurojnë kualifikim në Europë?
Kam një ndjenjë që Milani për dallim nga këto 4-5 vitet e fundit po përmirësohet shumë dhe po rikthehet në formën më të mirë, ashtu siç jemi mësuar ta shohim me vite të tëra. Gjithashtu besoj se këtë vit me shumë punë dhe këmbëngulje do të arrijmë Europën.
Cili futbollist të ka bërë përshtypje më së shumti në botë dhe cili tek Milani?
Si çdo adoleshent, edhe unë kam pasur preferencat e mia për futbollistët profesionistë. Kështu lojtari im i preferuar për momentin luan në ekipin e Realit të Madridit, dhe padyshim se është Kristiano Ronaldo. Ndërsa nga lojtarët të cilët për momentin luajnë me Milanin dhe që më së shumti e admiroj se si luan, ai është sulmuesi kolumbian, Carlos Baça. Ky futbollist më ka habitur aq shumë, ngaqë po kalon në formën e tij më të mirë dhe rrallëherë gabon para portës me portierin.
A shpreson se Montella së shpejti mund të të përfshijë tek titullarët, duke u bërë kështu futbollisti i parë shqiptar tek Milani?
Normalisht që shpresoj dhe besoj, se tek e fundja kjo është një ëndërr e imja dhe familjes time. Unë do jap maksimumin që të arrijë këtë sukses, edhe nëse kjo do jetë shumë vështirë.
Dhe në fund kë do kishit zgjedhur si përfeqsuese: Shqipërinë, Kosovën apo Italianë?
Aktualisht jam pjesë e kombëtares kuqezi në grupmoshat e U17-19 dhe nuk mendoj asgjë tjetër, por të gjithë e dinë se futbollit nuk i dihet. Edhe zgjedhjeve gjithashtu! /tesheshi.com/
