E shkuara mban peng të ardhmen e Shqipërisë. Kështu është shprehur shkrimtari i madh, Ismail Kadare, në një intervistë televizive.
“Çdo gjë që ka lidhje me krimet e një tiranie mban një seri pengjesh dhe në Shqipëri ka shumë pengje, që ne nuk na shkon në mendje, mbahen nga kjo gjë, nuk zbulohen nga kjo gjë, veprimtari, rryma të fshehta që gëlojnë akoma, që ne nuk i dimë nga e kanë burimin, sigurisht që mbahen të fshehta”, është shprehur Kadare.
Komenti i shkrimtarit të madh vjen në një kohë kur në Kuvendin e Shqipërisë është zgjedhur Gramoz Ruçi në postin e kryetarit dhe kur opozita e akuzon për lidhjet me sistemin diktatorial./tesheshi.com/
