Shteti-ishull ka dëshmuar përsëri se për shumë gjëra udhëheq bindshëm ndaj pjesës tjetër të Evropës.
Në fakt më 1 janar 2018, një ligj i ri ka hyrë në fuqi, sipas të cilit është e paligjshme që për të njëjtën punë të paguash më pak gratë sesa burrat.
Me këtë ligj, Islanda u bë vendi i parë në botë ku pagat për të njëjtën punë do të jenë të njëjta si për burrat ashtu edhe për gratë. Për më tepër, kompanitë dhe agjencitë qeveritare që punësojnë së paku 25 vetë, do të duhet të marrin certifikatën e qeverisë për pagën e tyre të barabartë.
Ata që nuk e mbajnë këtë do të gjobiten. Megjithëse Islanda ka pasur deri tani një ligj që thotë se burrat dhe gratë duhet të paguhen njëjtë, ky ligj i ri do ta rregullojë më rreptësisht këtë situatë, edhe pse Islanda është tashmë një nga vendet me barazinë gjinore më të lartë në botë.
Autoritetet islandeze vlerësojnë se deri në vitin 2020 do të përfundojë plotësisht hendeku midis pagës së burrave dhe grave. /tesheshi.com/
