Prej ditësh qyteti i Palmirës në Siri ka rënë. Mbrojtja nuk ka arritur të sprapsë avancimin e burrave të Shtetit Islamik dhe qyteti ka rënë nën pushtimin e plotë të burrave me flamujt e zinj.
“Civilët janë të terrorizuar. Furra e vetme e bukës është nën kontrollin e Shtetit Islamik dhe ushtria e Assad bombardon ngado”. Kjo është situata në fushë e përshkruar në New York Times nga Khaled al-Homsi, aktivist sirian në zonë. Forcat ushtarake janë tërhequr në fushën e aviacionit, çka rrit edhe më shumë rrezikun për të ardhmen e qytetit Palmira.
ISIS momentalisht ende nuk përbën një rrezik për zonën arkeologjike pasi janë duke shtrirë ndikimin e tyre në qytetin e sapopushtuar, por në rast se shefi i departamentit për antikitetin sirian, Maamoun Abdulkarim, siguron se “nuk kanë hyrë akoma”, nga ana e UNESCO-s lançohet një alarm shumë i saktë, i motivuar nga mënyra se si ISIS ka vepruar në të shkuarën, nga Hatra në Mosul: duke kontrabanduar apo shkatërruar vepra të rëndësisë së madhe.
Ndërkohë, në kështjellën e Palmirës është shfaqur një flamur i dukshëm mjaft mirë në fotot publicitare të propaganduara në rrjet nga ISIS. Bëhet fjalë për një simbol që tregon qartë se ekstremistët nuk kanë asnjë qëllim të braktisin qytetin. /tesheshi.com/
