Militantët xhihadistë kanë nisur kërcënime të reja kundrejt Perëndimit, duke vënë në qendër të akuzave të tyre terroriste, kryeqytetin Italian, Romën.
Në një e-book të publikuar nga ISIS, terroristët u bëjnë thirrje myslimanëve në perëndim të mblidhen në një organizatë të përbashkët, me qëllim pushtimin e Romës. Lajmi është raportuar nga “Intelligence Site”. Dokumenti mendohet se është vetëm i pari nga një seri e-book(ësh).
Libri i publikuar online, i cili quhet “Muslim gangs”, mendohet se pasohet nga seria e librave “Myslimanët në Perëndim”, ku në nëntitull citohet ‘si të mbijetosh në Perëndim’. Në kopertinën e tij shfaqet një grup të rinjsh që parakalojnë me flamujt e ISIS. /tesheshi.com/
