Bisedimet maratonë për ribashkimin e ishullit të ndarë të Qipros dështuan në orët e para të së premtes, tha sekretari i Përgjithshëm i OKB-së, Antonio Guterres, pas një seance finale tepër të trazuar.
“Jam shumë i keqardhur të them se pavarësisht angazhimit shumë të madh dhe përfshirjes së gjithë delegacioneve dhe palëve të ndryshme…. konferenca për Qipron është mbyllur pa arritjen e një marrëveshjeje”, tha ai për mediat.
Guterrez kishte mbërritur në ishull për të bindur presidentin e qipriotëve grekë, Nicos Anastasiades dhe liderin e qipriotëve turq Mustafa Akinci të nënshkruanin marrëveshjen e ribashkimit për ishullin në lindje të Mesdheut, ndërkohë që zëvendëspresidenti Mike Pence i telefonoi ata për t’i apeluar të mos e shkonin dëm “mundësinë historike”.
Përpjekjet diplomatike për të ribashkuar Qipron kanë dështuar që kur ishulli u përfshi nga përplasjet pas ndërhyrjes turke në përgjigje të grushtit të shtetit të qipriotëve grekë që kërkonin bashkimin me Greqinë, në vitin 1974./tesheshi.com/
