Kreu demokrat Basha i ka kushtuar një status 22 Marsit, ditës kur PD erdhi për herë të parë në pushtet, duke e revokuar atë në funksion të të sotmes politike.
“Me 22 mars 1992 shqiptarët fituan lirinë. Si sot 27 vjet më parë njerëzit u bashkuan me të vetmen dëshirë dhe ëndërr: lirinë për të ndërtuar një jetë më të mirë, lirinë për të lëvizur, lirinë për arsim, lirinë për biznes, lirinë per tu shprehur, lirinë për të zgjedhur e për tu zgjedhur. Ky udhëtim 27 vjecar drejt lirisë dhe Europës demokratike me arritjet dhe dështimet e tij, ka qenë i dhimbshëm dhe plot sakrifica. Sot Shqipëria po na thërret përsëri sepse rruga jonë drejt lirisë dhe Europës është në udhëkryq! Është në dorën tonë ta përmbyllim atë duke ndërtuar edhe në Shqipëri sistemin e vlerave të vërteta europiane! #ShqipëriaSiEuropa”, shkruan kryedemokrati.
Atëherë Basha nuk njihej si figurë politike, por vite më vonë, kur u bë figurë e PD-së deri dhe kryetar i saj, solli në vëmendje se kish qenë komisioner në zgjedhjet e parë, nën siglën e PD-së. /tesheshi.com/
