Policia gjermane, që dje po hetonte vdekjen e tre personave të qëlluar me shigjeta me hark në qytetin Passau, tani i gjeti edhe dy trupa të tjerë në një banesë, rreth 650 kilometra larg vendit fillestar të krimit.
Natyra e vdekjes së dy personave të tjerë ishte po e njëjta. Policia beson se ngjarjet janë të ndërlidhura, pasi banesa ishte marrë me qira nga një grua 30 vjeçe, e cila ishte njëra nga viktimat e gjetura në dhomën e hotelit.
Dy viktimat e tjera në hotel ishin një burrë dhe një grua, të qëlluar me disa shigjeta.
Prokurori publik, Walter Feiler, tha se ende nuk dihet se sa kohë kanë qëndruar trupat në banesë, por dëshmitarët thonë se ditët e fundit kanë dëgjuar erën kundërmuese.
Të pesë viktimat janë shtetas të Gjermanisë. /tesheshi.com/
