Ata janë të varfër, të dëshpëruar por tepër të vendosur. Mijëra prej tyre lënë shtëpitë çdo vit, duke rrezikuar jetën në udhëtimet e gjata e të pasigurta brenda kamionëve frigoriferikë.
Refugjatët të cilët tentojnë të gjejnë një jetë të re dhe më të mirë në Europë kanë tërhequr vëmendjen e gjithë botës.
Në disa vende, ata janë përballur me grupe të cilët luftojnë migracionin dhe që nuk i pranojnë në shtetet e tyre.
Historia është e mbushur me refugjatë të cilët u përshtatën në vendet ku migruan dhe kanë dhënë kontributin e tyre të madh në shkencë, art, politikë dhe sport.
Ja cilët janë disa prej refugjatëve që u shndërruan në të famshëm:
Marlene Dietrich – Ikona e kinematografisë dhe këngëtarja legjendare e kabareve arriti kulmin e famës në Gjermani në vitet 1920. Ajo u largua nga Gjermania për në Hollywood në vitet 1930, ndërsa shikonte prej andej mizoritë që nazistët bënin në vendet e tjera të botës. Ajo refuzoi propozimin e Hitlerit për t’u kthyer në Gjermani dhe u bë një qytetare e Amerikës.
Freddie Mercury – Legjenda e muzikës rok lindi në Farrokh Bulsara në vitin 1946 dhe ishte biri i një familje indiane të cilët jetonin në ishullin afrikan Zanzibar. Familja e la ishullin pas revolucionit të përgjakshëm në vitin 1964 dhe u shpërngulën për në Londër, ku muzikanti aspirant nisi karrierën me kolegët e bandës.
Albert Einstein – Fizikani më i rëndësishëm i shekullit të XX, u persekutua nga Gjermania nga nazistët, të cilët e quajtën teorinë e tij të relativitetit si “fizikë herreje”. Ai u largua për në Shtetet e bashkuara në vitin 1933 dhe nuk u kthye më kurrë në Gjermani.
Gloria Estefan – Mbretëresha e popit latin kaloi dy vitet e para të jetës së saj në Havana të Kubës, por revolucioni komunist i Fidel Kastros në vitin 1959 detyroi familjen e saj që të largohej për në Miami. Babai i Glorias u kthye në Kubë për të luftuar invazionin e cilësuar si Bay of Pig në vitin 1961. Estefan shiti më shumë se 100 milion albume dhe fitoi 7 çmime Grammys gjatë karrierës së saj.
Luol Deng – I lindur në vitin 1985 në mes të luftës në Sudan, Deng dhe familja e tij migruan fillimisht në Egjipt dhe më pas për në Britaninë e Madhe. Ai shkoi për studime në Shtetet e Bashkuara para se të niste karrierën profesionale si basketbollist. Deng ka luajtur për ekipe si Chicago Bulls dhe Miami Heat.
Madeleine Albright – Sekretarja e parë femër e Shteteve të Bashkuara të Amerikës ka lindur në vitin 1937 në Çekosllovaki. Familja e saj u detyrua të linte vendin gjatë Luftës së Dytë Botërore gjatë pushtimit nazist. Ata u kthyen sërish në vendlindje por përsëri u desh të largoheshin pas vendosjes së sistemit komunist në vitin 1948.
Sigmund Freud – Babai i psikoanalizës u shndërrua në refugjat vitet e fundit të jetës së tij. Pasi nazistët, të cilët kishin djegur librat e Frojdit morën në kontroll Austrisë në vitin 1938, psikoanalisti dhe bashkëshortja e tij u zhvendosën nga Viena në Londër. Ai vdiq aty disa vite më pas.
Iman – Ishte gjendja e keqe dhe e përgjakshme në vend ajo që e detyroi familjen e Mohamed Abdulmajid që në vitin 1969 të zhvendoseshin nga Somalia për në Kenia. Iman u zbulua nga një fotograf disa vite më vonë, i cili vlerësoi aspektin fizik të vajzës, çka e çoi drejt suksesit si supermodele në Shtetet e Bashkuara. Ajo u mor me kauza humanitare dhe u martua me David Bowie.
Victor Hugo – Shkrimtari i madh francez, i njohur ndërkombëtarisht si autori i “Të mjerëve” ishte një aktivist i zjarrtë. Ai kundërshtoi rregullat autoritare të Napoleon III në mes të shek XIX. Ai u detyrua të largohej nga Franca dhe jetoi dy dekada të jetës së tij në ekzil në Guernsey në British Channel Islands.
Thabo Mbeki – Ndërsa babai i tij u burgos bashkë me Nelson Mandelën në Robben Island, Mbeki kaloi dekada në ekzil. Pasi qëndroi në vendet e ish Bashkimit Sovjetik, Britaninë e Madhe, Zimbabve dhe shumë shtete të tjera, ai u kthye në vendlindje në vitin 1990./tesheshi.com/
