Policia e Durrësit ka njoftuar arrestimin e tre shtetasve të shpallur në kërkim ndërkombëtar me qëllim ekstradimi drejt Italisë.
Specialistët për Hetimin e Narkotikëve në Drejtorinë Vendore të Policisë Durrës kanë bërë të mundur arrestimin e Ilirjan Orhanit, 53 vjeç, banues në Shkozet, Durrës; Kridens Kërçukut, 37 vjeç, banues në Durrës dhe Erald Zyka (Nasto), 34 vjeç, banues në Durrës.
Gjykata e Milanos në Itali ka nxjerrë urdhër-arresti për veprat penale mbajtja e sendeve të vjedhura dhe shkelje të ligjit për drogat. /tesheshi.com/
