Ish-zyrtarja e Ramës kritikon Territorialen e 2014-ës

Ish një ndër zyrtaret e Ramës kur ky i fundit drejtonte Bashkinë e Tiranë, Alban Dhimitri, e paraqiti si jo efektiv Reformën Territoriale të 2014-ës.

Siç dihet, tashmë kjo reformë do rishihet me anë të një konsensusi mes mazhorancës dhe opozitës, e cila në atë kohë e bojkotoi. Për këtë është krijuar një komision parlamentar dhe, në të parën mbledhje, ajo reformë u kritikua pikërisht nga ajo që dje ishte ndër zyrtaret me me peshë të Ramës në drejtimin e kryeqytetit.

Sot drejtore Ekzekutive në Institutin e Politikave Publike dhe Private, Dhimitri renditi defektet e asaj reforme, ndër të parat e  qeverisjes së Ramës.

“Ne kemi pasur mundësi të jemi thuajse në çdo bashki. Kemi pasur një eksperiencë të rëndësishme për të prekur reformën në pikëpamjet politike, qoftë dhe administrative.

Ishin 370 njësi të qeverisjes vendore para 2014. Kemi bërë një studim mbi të ardhurat për kokë nga ndryshimi i hartës territoriale dhe na rezulton që të ardhurat janë shumë më të larta në nivel bashkie se përpara reformës.

Shpenzimet për investimet janë të rritura me disa fish krahasuar me përpara reformës.

Ana negative ishte ulja e pjesëmarrjes së qytetarëve në vendimarrje, pra kishte pjesë të popullatës që për shkak të largësisë me njësinë administrative bashkisë, nuk kishin mundësi fizike për të qenë pjesëmarrës në mbledhjet e zhvilluara apo elementëve të tjerë të përditshmërisë.

Barra fiskale e njësive administrative mbetet tek pushteti qendror, duke ulur nivelin e përgjegjësisë fiskale të qeverisjes lokale”, u shpreh Dhimitri. /tesheshi.com/