Ish-zëdhënësi i UÇK-së Jakup Krasniqi, bëri daljen e para Speciales në Hagë, duke zgjedhur të mbrohet me një fjalëmbajtje sa më intelektuale
“Unë dua të them dy tre çështje dhe do të përpiqem t’i them shkurt:
Së pari, dua të them këtu se unë jam arrestuar me 4 nëntor 2020 në aktakuzë. Po na quani ndërmarrje kriminale të përbashkët, por kurrë në jetën time në asnjë rast të vetëm nuk i ka trajtuar njerëzit as kaq sa më trajtuar mua nga ndërtesa e burgut deri në këtë ndërtesë, kurrë nuk i kam trajtuar njerëzit në këtë mënyrë.
Prandaj, unë jam intelektuar jam njeri që e kam luftuar politikisht Serbinë, dhe s’e kam drejtuar gishtin nga popullsia serbe”, tha njeriu që pas lufte ka mbajtur dhe postin e kryekuvendarit të Kosovës, pas u përfolur kurrë për ndonjë aferë.
Në aktakuzë i ndani shqiptarët në katolikë dhe mysmiman. Unë jam shqiptar dhe për mua është fyese”, tha Jakup Krasniqi.
“Cilësimi i Prokurorit se jemi ndërrmarje kriminale e përbashkët, për mua, shokët, familjet që luftuam gjatë për kombin tone, nuk ka gjë me fyese, sepse ne në një kohë të gjatë, në rrethana të vështira jetë a vdekje u vumë në shërbim të lirisë, që e arritëm me SHBA e BE, me NATO e OKB dhe të gjithë ishim dhe jemi ndërrmarje e përbashkët çlirimitare dhe shtetformuese”, tha Krasniqi, duke theksuar se “kriminelët janë vetëm në Beograd”.
“Dua t’u them që unë kam qenë i dënuar nga regjimi kriminale të Jugosllavisë në 81-82 dhe më kanë dënuar pse lexoja libra, pse kam folur dhe kundërshtuar këtë regjim dhe. më shumë të drejtë kanë pasur ata atje, sesa sot që gjendem këtu”, theksoi Krasniqi.
“Adresa e qartë e krejt kësaj maskarde është në Beograd dhe mbështetësit të politikave të saj, kudoqofshin ato”, tha ai para gjykatësve të Hagës. /tesheshi.com/
