Ish-ushtari i UÇK-së: braktisi Slloveninë dhe rrogën 1 mijë euro, sot jeton me 85 euro në muaj

Nga Blendi Gashi

Veteranët e Ushtrisë Çlirimtare të Kosovës (UÇK) i janë rikthyer sërish protestave si shenjë pakënaqësie kundër vendimit të kryeministrit Isa Mustafa për ndaljen e pensioneve dhe vonimin e pagave të veteranëve për muajin shtator.

Edhe pse ishin mbledhur në masë të vogël, veteranët pohuan se do të po shkelen të drejtat e tyre dhe se nuk do të ndalen derisa të plotësohen kërkesat e tyre.

Në protestën e sotme kërkuan: që të shfuqizohet vendimi i Ministrisë së Punës dhe Mirëqenies Sociale i cili dëmton të drejtat e familjarëve të dëshmorëve; që mos të luhet me pensionet e veteranëve, pra të bëhet një zgjidhje afatëgjate e buxhetit për këtë kategori; që ish pjesëtarëve të TMK-së dhe të FSK-së t’u kryhen obligimet që ua garanton ligji për këto kategori; tëformohet një komision mjekësor i cili do ta vërtetonte shkallën e invaliditetit si dhe të bëhet një auditim i pavarur në listat e veteranëve të UÇK-së.

“Veterani që jeton në varfëri…”

Një prej veteranëve që doli të shprehë pakënaqësinë e tij është Xhemajl Bajraktari nga fshati Baincë e Lipjanit.

Ai, në një bisedë për tesheshi.com foli për gjendjen e rëndë sociale në të cilën gjendet familja e tij.

Veterani Bajraktari që gjatë vitit 1999,si ushtar i UÇK-së luftoi në zonën e Dreniës, që nga paslufta jeton me mjerimin dhe mezi arrinë t’i ushqej pesë fëmijët e tij.

Ai është gëzuar kur ka fituar statusin e veteranit, sidomos nga koha kur nisi të marr 170 euro. Por duke mos pasur një strehë ku të fusë kokën, Xhemajlit iu desh të hyjë në kredi që të mund ta siguronte.

Ai sot protestoi me veteranët e tjerë pasi nuk e ka marrë pensionin e fundit që është dashur të paguhet qysh para dy javësh, për çka bën fajtore qeverinë, pasi thotë se vonoesa e pensionit po rrezikon jetën e familjes së tij.

“Sot unë së bashku me shokët e mij veteran protestuan që të dalin pensionet. Mos dalja e pensioneve ka lënë familjen time në një hall të madh.  Ka më shumë se dy javë që asgjë nuk ka në familje time, e kam fjalën për gjëra ushqimore.
Ata jarant (kryeministri, presidenti, ministrat) në qeveri bëjnë lojë kurse fëmijët e mij nuk kanë çfarë të ngrënin.

Me pesnionin e veteranit prej 170 euro që marrë mbaj familjen tetë anëtarëshe.

Qe dy javë qeveria nuk e ka lëshuar pensionet. Këta e dijnë listën se kush është e kush jo veteran. Kam pesë fëmijë në shkollë. Nuk e di as vet si arrij t’i ushej. Falë zotit që na ndihmojnë nga pak të afërmit sepse do të kisha vështirësi të siguroja kafshatën e gojës”, ka thënë veteran Bajraktari, për tesheshi.com.

Veterani nga Lipjani ka treguar se ai në kohë lufte ishte në Lubljanë ku punonte dhe merrte një rrogë në vlerë 1000 euro, por që e lëshoi punën atje, vetëm e vetëm që t’iu bashkohet radhëve të UÇK-së për të ndihmuar vendin.

Ai tregon se sot jeton me 85 euro, pasi pensionin në vlerë prej 170 euro të veteranit që merr, 85 euro i paguan kredi, para që i ka marrë për ta bërë familjen me kulm mbi kokë.

 “Unë kam marrë një kredi në vlerë 3700 euro për 7 vite dhe më duhet që për çdo muaj të paguaj nga 85 euro, pra nga paga e veteranit më mbesin vetëm 85 euro. Në kredi jam hyrë nga zori jo nga qejfi. Kam hyrë në kredi që të bëhem me kulm mbi kokë. E kam shumë vështrë të kaloi muajin me 85 euro nëse ato i marrim me rregull dhe lëre që tani edhe nuk po na i qesin as ato. Përveç që më duhet të kujdesem të ushqej fëmijët për 7 vite më duhet të paguaj edhe kredinë, e qeveria nuk na i qet parat. Nuk e di si do i dalë”, ka thënë në rrëfimin e tij veterani nga Lipjani.

Veterani i cili la një jetë të mirë që ndërtoi në Ljubljanë  të Sllovenisë vetëm për t’iu bashkuar radhëve të UÇK-së, sot ndihet i zhgënjyeri, jo për kontributin e tij që dha për vendin, assesi, por për mënyrën se si institucionet e vendit trajtojnë veteranët që dhanë shumë për lirinë e vendit.

“Unë kam lënë punën në Ljubljanë që e kam pas 1000 euro. Sot kam pasur mundësi të kem letrat me gjithë familjen e jot ë luftoi për kafshatën e gojës, por e kam lënë një jetë më të mirë për çka kurrë nuk jam pishman, vetëm e vetëm për të luftuar për vendin vet”, thotë Bajraktari, për tesheshi.com.

Veterani nga fshati Bajncë e Lipjani thotë se është i vetëdijshëm se është fryrë shumë numri i veteranëve, por sipas tij duhet që me këtë punë të merren institucionet dhe veteranëve të vërtetë t’iu paguhen pensionet.

Ndryshe, për kundër protestës së veteranëve, kryeministri Isa Mustafa, tha sot në mbeldhjen e qeverisë se është e pamundur të përballohen shpenzimet për të gjithë individë që janë në listat e veteranëve, e nuk i kanë meritat. /tesheshi.com/