Bruno Rodriguezit, një ish-sulmues i PSG-së, javën e kaluar iu desh t’i pritej këmba e djathtë për shkak të dhimbjeve të përditshme në kyçin e këmbës.
Si shkak i këtyre dhimbjeve përmenden goditjet e shumta që ka pësuar gjatë karrierës së tij.
“Pavarësisht disa operacioneve në pesë vitet e fundit, dhimbja ka vazhduar dhe është bërë e padurueshme. Ai madje pësoi një tumor beninj në kyçin e këmbës së djathtë, kështu që prerja ishte bërë e pashmangshme”, shkruan Le Parisien.
“Operacioni shkoi mirë. Mjekët provuan të gjitha zgjidhjet dhe më në fund morën një vendim për të prerë këmbën në nivelin e gjurit”, shton Le Parisien.
PSG u shfaq në rrjetet sociale, i dërgoi një mesazh mbështetjeje 49-vjeçarit Rodriguez dhe tha se ai do të presë ish-lojtarin dhe familjen e tij në “Parc de Princ”.
Rodriguez filloi karrierën e tij në Monaco në 1992. Ai la gjurmën më të madhe te Bastia dhe Metz. Për PSG luajti në sezonin 1999/2000. Ai e mbylli karrierën e tij për shkak të lëndimeve në moshën 33-vjeçare. Ai hapi një furrë buke me një mik 12 vite më parë, por u tërhoq nga biznesi pikërisht për shkak të problemeve me këmbën. /tesheshi.com/
