Ish-kreu i prodhuesit gjerman të makinave Audi, Rupert Stadler, u deklarua fajtor të martën për skandalin e emetimeve të naftës të kompanisë.
Stadler i tha gjykatës në Mynih se kishte mundësinë të ndërhynte, por nuk e bëri këtë dhe shprehu keqardhje për keqbërjen e tij.
Ai e bëri rrëfimin si pjesë e një marrëveshjeje mes avokatëve mbrojtës dhe prokurorisë, e cila do t’i jepte një dënim me kusht.
60-vjeçari do të duhet të paguajë edhe një gjobë prej 1.1 milionë eurosh.
Stadler është bërë ish-anëtari i parë drejtues i Grupit Volkswagen (VW) që pranoi në gjykatë falsifikimin e vlerave të emetimeve të dëmshme në makinat me naftë.
Grupi Volkswagen, i cili përbëhet nga dhjetë marka, përfshirë Audi, është akuzuar për manipulim të të dhënave të testit të emetimeve të motorit.
Sipas prokurorëve, Stadler ishte në dijeni të manipulimit në vitin 2016, por nuk ndërhyri dhe lejoi shitjen e këtyre automjeteve me naftë deri në vitin 2018. /tesheshi.com/
