Ish-zv/drejtori i CIA-s, Michael Morell, i cili mbështet Hillary Clinton dhe insiston në atë se Donald Trump është duke u manipuluar nga presidenti rus Vladimir Putin, ka thënë se ai do të inkurajonte në mënyrë sekrete pjestarët e opozitës së moderuar që t’iu vihen pas agjentëve rusë dhe iranianë.
“Ata duhet të paguajnë çmimin për atë çfarë po bëjnë”, tha ai gjatë një interviste me gazetarin Charlie Rose të hënën, duke tërhequr paralele në mes të veprimeve të SHBA-ve kundër rusëve në Afganistan në vitin 1980.
Rusia dhe Irani kanë qenë mbështetësit kryesorë të presidentit sirian Bashar al-Assad, duke ndihmuar atë me pajisje dhe me trupa ushtarake. Rusia gjithashtu filloi fushatën ajrore para një viti, duke përforcuar kështu në masë të madhe trupat e Assadit në fushëbetejë.
“Kjo mbështetje e Asadit ka zhvendosur palët nga gjetja e një zgjedhje të mundshme diplomatike të konfliktit, i cili po zgjat për më shumë se pesë vite”, ka thënë Morell.
Ai ka propozuar SHBA-të që “t’i vihen pas” aseteve të Asadit që janë jetike për fuqinë e pushtetit të tij, si gardën e tij presidenciale, avionët dhe zyrat e tij, në mënyrë që të detyrojë presidenti sirian që të kthehet në tavolinën e negociatave.
“Dëshiroj që të tremb Asadin”, tha ai. “Dëshiroj që të bëj atë të mendojë se ne jemi vënë pas tij. Unë nuk po avokoj për vrasjen e tij”.
“Dëshiroj të bëj presion mbi të, dëshiroj të bëj presion mbi iranianët; dëshiroj të bëj presion mbi rusët që të arrijnë një zgjedhje diplomatike”, ka shtuar ai.
Ish-drejtori i CIA-s foli haptazi për mbështetjen e tij për kandidaten demokratike për president Hillary Clinton, duke thënë se rivali i saj Donald Trump, jo vetëm që nuk është i përshtatshëm për të mbajtur këtë post, por ai paraqet edhe kërcënim për sigurinë nacionale.
Morell tha se shpreson që ai do të jetë pjesë e ekipit të sigurisë nacionale të kandidates Clinton. /tesheshi.com/
