Ish prokurorja e Prokurorisë Themelore të Mitrovicës, Vahide Badivuku, është dënuar me 3 vjet burg, 5 mijë euro gjobë dhe ndalim i ushtrim i ushtrimit të profesionit për 3 vjet.
Badivuku, e cila të enjten qau teksa po jepte fjalën përfundimtare në Gjykatën Themelore të Prishtinës, është dënuar për veprën penale marrje ryshfeti dhe keqpërdorim të detyrës zyrtare.
Sipas aktakuzës së Prokurorisë Speciale të Kosovës, prokurorja Badivuku, në periudhën kohore maj – gusht 2015, në cilësinë e prokurores së krimeve të rënda në Prokurorinë e Mitrovicës, duke shfrytëzuar detyrën e saj i ka tejkaluar kompetencat dhe nuk e ka përmbushur detyrën e saj me qëllim të përfitimit çfarëdo dobie për vete duke kërkuar dhe pranuar dhuratë “në mënyrë të tërthortë”, në kundërshtim me detyrën e saj.
Gjithnjë sipas aktakuzës së prokurorisë, Badivuku në bashkëpunim me të akuzuarin tjetër Idriz Kelmendi, ka kërkuar dhe marrë shumën prej 10 mijë euro përmes Idriz Kelmendit. /tesheshi.com/
