Ish-presidenti Bamir Topi ka paralajmëruar se situata aktuale politike mund ta çojë vendi në kaos institucional.
I ftuar në emisionin e mëngjesit në Vizion Plus, Topi ka shmangur artikulimet direkte ndaj aktorëve të opozitës, madje duke thënë se nuk do që të fjalët e tij ta vendosë atë si palë të njërit apo tjetrit krah, por ka lënë të nënkuptuar se mungesa e çdo tentative për dialog është shqetësuese.
Ai solli rastin e tij si presidenti, ku në institucionin që ka drejtuar dikur, kreu i mazhorancës dhe i opozitës së atëhershme janë takuar dy herë me njëri-tjetrin duke biseduar.
Ndërsa tani, tha Topi – duke aluduar në pasardhësin Nishani – kjo as që mund të mendohet apo ndodh. Pse? Sepse është një president i zgjedhur me shumicë të thjeshtë, me 71 vota, është pra palë, gjykoi Topi, duke iu referuar kështu pasojave të ndryshimeve kushtetuese të Prillit 2008. “Ngado që të sillemi, aty do shkojmë”, tha ai, duke mbetur gjithnjë kritik i atyre ndryshimeve që ndodhën brenda një nate.
Sa për protestën e opozitës, Topi la të nënkuptuar se në kredon e saj nuk ka sinqeritet, por një taktikë të mirëmenduar. Ai përmendi faktin se si është e mundur që ndryshime kushtetuese që miratohen me konsenus të plotë, kur vjen puna për implementim bllokohen. /tesheshi.com/
