Një gjykatë në Khartoum ka akuzuar ish-presidentin sudanez Omar al-Bashir për posedim dhe përdorim të paligjshëm të parave të huaja.
Ushtria e rrëzoi al-Bashirin në 11 prill, pas tridhjetë vjet qeverisje.
“Autoritetet sekuestruan 6.9 milion euro, 351.770 dollarë dhe 5.7 milion paund sudanezë në shtëpinë e al-Bashir, fonde të marra dhe të përdorura në mënyrë të paligjshme”, tha gjykatësi Al Adik Abdelrahman.
Në daljen e tij të parë në gjykatë, al-Bashir tha se ai i përdorte paratë për dhurime e jo për përfitime personale.
Ai tha, ndër të tjera, se Princi i Kurorës saudite Mohamed bin Salman i kishte dërguar atij 25 milion dollarë para me një avion privat.
Hetuesit më parë i kanë thënë gjykatës se al-Bashir mori rreth 90 milion dollarë nga Arabia Saudite.
Një Al Jazeera-s, Hiba Morgan, i cili po monitoron gjykimin e Khartoum, raporton se al-Bashir i tha gjykatës se ai i dha 5 milion dollarë Forcës së Ndihmës së Shpejtë, një formacion paramilitar që më vonëndihmoi për rrëzimin e tij, 4 milion dollarë për Universitetin e Sudanit , dhe 2 milion për një spital ushtarak.
Ai shtoi, megjithatë, se ai nuk kishte asnjë informacion se si shpenzoheshin paratë.
Al-Bashir vuri në dukje se Princi saudit i kishte thënë atij që “të përdorë paratë siç i sheh të përshtatshme”.
Qeveria Saudite deri më tani nuk ka komentuar dëshminë e ish-presidentit sudanez.
Sipas gjykatësit, Omar al-Bashir mund të marrë deri në dhjetë vjet burg për posedim të atyre parave dhe deri në tre vjet për transaksione të paligjshme.
Gjyqi i al-Bashir filloi në 19 gusht, dy ditë pas nënshkrimit të një marrëveshje qeveritare kalimtare midis ushtrisë dhe qytetarëve në protestë.
Atij iu tha nga prokuroria se po përballet me akuza për posedim të monedhës së huaj, korrupsion dhe tregti me ndikim. /tesheshi.com/
