Ish-presidenti kroat, Ivo Josipoviç i ka mëshuar fort tezës së një Turqie në BE.
Në një samit me temë “E ardhmja e Evropës” organizuar në në Bursa, Josipoviç tha se “Evropa nuk është e plotë pa Serbinë, Bosnjen, Maqedoninë dhe të gjitha vendet e tjera, përfshirë Turqinë”, raporton AA.
Dhe duke u ndalur te kjo e fundit, Josipoviç quajti Turqinë një anije të madhe, ndërsa vendin e tij, Kroacinë, një varkë të vogël.
“Turqia është vërtetë një gjigant për shkak të ekonomisë, ushtrisë, shkencës, arsimit dhe shëndetësisë që ka”.
“Ndërsa Kroacia tha ai, është shtet i vogël dhe i përqëndruar në problemet e veta, ndërsa Turqia ka ambicie globale dhe kjo ka një ndikim të madh në vend”.
Sipas tij, BE-ja e vërtetë është që shtrihet nga Britania e Madhe e deri në Turqi, si një projekt paqeje. /tesheshi.com/
