Ish-presidenti gjerman Christian Wulff, tha se Islami si fe është pjesë e Gjermanisë dhe shoqërisë së saj.
“Përveç vlerave tona, të cilat hynë nën ndikimin e Krishterimit dhe Judaizmit, Islami na përket neve, dhe është pjesë e Gjermanisë. Katër deri në pesë milion muslimanë që jetojnë në Gjermani nuk janë vetëm individë, por kanë edhe vlerat e tyre fetare dhe kulturore, kanë imamët e tyre, xhamitë, jetën fetare dhe kulturore, të gjitha këto na takojnë edhe neve ”, tha ai në një fjalim për konferencë me temë “Kohezioni shoqëror në shoqëritë plurale” që u mbajt në qytetin gjerman të Bruhl.
Ai vuri në dukje se në qytete në Gjermani ku nuk ka shumë të huaj, ksenofobia është në një nivel shumë të lartë, ndërsa në rajone me shumë njerëz me origjinë të huaj, nuk ka pothuajse asnjë ksenofob.
Ai vuri në dukje se ky mund të jetë shembulli më i mirë që në vendet ku nuk ka paragjykime të mëdha, mund të jetohet në një frymë vëllazërimi dhe miqësie.
“Kohezioni social në bashkësi të mëdha është një nga çështjet më të rëndësishme për të ardhmen tonë”, tha Wulff, i cili shërbeu si President i Gjermanisë nga qershori 2010 deri në shkurt 2012.
Ai tha se gjëja më e rëndësishme është që gjeneratat e reja aktuale në Gjermani të veprojnë në mënyrë aktive për të ruajtur unitetin e shoqërisë gjermane, duke theksuar se duhet të kihet parasysh gjithmonë se asnjë qytetar nuk duhet të diskriminohet ose të margjinalizohet për fenë e tyre.
“Ne kishim një ministër musliman në kabineti. Në vitin 2014, ne u bëmë kampionë botërorë me futbollistë me origjinë të huaj si Mesut Ozil, Sami Kedira, Jerome Boeteng. Jam i sigurt që sot vetëm me Franz, Hans, Jens, Lothar dhe Robert nuk do të mund të kualifikoheshim e jo më të bëheshim kampionë. Kush do të shënojë gola për të arritur më tej? Përfaqësuesja jonë futbollit është një shembull i qartë i multinacionalitetit dhe hapjes ndaj botës”, tha Wulff. /tesheshi.com/
