Ish -presidenti i Kosovës dhe i LDK-së, Fatmir Sejdiu, duke shkruar për ngjarjet që e kanë shënuar këtë vit, e ka quajtur vitin 2015 mjaft të rëndë.
Përmes një postimi në Facebook, Sejdiu ka thënë se është e rrezikshme për një vend kur gjendja anormale bëhet përditshmëri:
“Migrimet e dhembshme për në Evropë, “pa iphone dhe me iphone”. Fatkeqësisht u bënë pjesë e të përditshmes me tym në Kuvend. E ndarjes së deputetëve pozitë e opozitë. Me seanca në salla alternative.
Me arrestime dhe thirrje në “forcën e pushtetit”. Sivjet pa liberalizim të vizave, deri në motin tjetër pa UNESCO-në ?.
Me një lëvizje më të vogël në GDP. Një vit i rëndë. Po, populli thotë: “Mos na raftë me e harrue!”, ka shkruar Sejdiu në Facebook. /tesheshi.com/
