Presidenti amerikan, Barack Obama telefonoi ish-presidentin Jimmy Carter për t’i uruar shërim të shpejtë e të plotë. “Amerika bën tifo për ty”, ka thënë Obama, duke shtuar se mendimet dhe lutjet e të gjithë Amerikës janë me presidentin dhe familjen e tij.
Ish-presidenti amerikan, Jimmy Carter u njoftua se ka kancer të shpërndarë në disa pjesë të trupit. Ai ka pohuar sëmundjen e rëndë, duke thënë se do t’i nënshtrohet trajtimeve të duhura.
Pas një operacioni të fundit, u vu re se kanceri në pankreas ishte përhapur edhe në vende të tjera. Babai i Carter, sikundër edhe motra dhe vëllai i tij kanë ndërruar jetë për shkak të kësaj sëmundjeje.
90-vjeçari Carter ka qenë presidenti i 93 i Shteteve të Bashkuara, ka qenë në krye të Shtëpisë së Bardhë gjatë viteve 1977-1981. Pasi la detyrën, Carter themeloi një qendër në Atlanta për të promovuar tema sociale, të drejtat e njeriut dhe demokracinë. /tesheshi.com/
