Ish-Papa Benedikti XVI kërkoi falje të martën për abuzimin seksual me fëmijë nga ana e një prifti, kryer gjatë papatit të tij, por bashkëpunëtorët e tij hodhën poshtë akuzat për mbulim kur ai ishte kryepeshkop i Mynihut.
“Unë shpreh keqardhjen time të thellë, trishtimin dhe faljen e sinqertë për të gjitha viktimat e abuzimit seksual,” tha 94-vjeçari në një letër të botuar në përgjigje të hetimit gjerman të muajit të kaluar për veprimet e tij në vitet 1980 ndaj një prift pedofil.
“Kam pasur përgjegjësi të mëdha në Kishën Katolike. Sa e madhe është dhimbja ime për shkak të abuzimeve dhe gabimeve që ndodhën në këto vende të ndryshme gjatë papatit tim”, tha ai, raporton France 24.
Ish-Papa para Franceskut, i cili dha dorëheqjen në vitin 2013, u akuzua në janar se dështoi me vetëdije për të ndaluar katër priftërinj të akuzuar për abuzim seksual të fëmijëve në vitet 1980, kur ai ishte kryepeshkop i Mynihut.
Benedikti, i cili është në gjendje shumë të keqe shëndetësore, i kërkoi një ekipi asistentësh që ta ndihmonin t’i përgjigjej gjetjeve të firmës ligjore Westpfahl Spilker Wastl (WSW), e cila u ngarkua nga Kryedioqeza e Mynihut dhe Freising për të hetuar rastet e abuzimit midis 1945 dhe 2019. /tesheshi.com/
