Risi ditës së 24-ët të protestës së opozitës, ishte futja nën çadër e ish-zëvëndësimistrit të Mbrojtjes në qeverinë Rama, Dritan Hila. Kundërshtar i rreptë i PD-së dhe Berishës, por i zemëruar më pas me Ramën për shkak të zëvëndësimit me Petro Koçin si nr. 2 i Mbrojtjes, Hila ka thënë se ai duhet ndalur me çdokush dhe se PD po bën historinë me këtë protestë.
Pra, në një farë mënyre, Hila ka bërë atë që bëri Kastriot Islami dhe Asllan Dogjani, që, pasi u ndanë nga Rama me hatërmbetje të thella politike e njerëzore bashkë, kaluan në kampin kundërshtar.
Ndërkohë, pa komentuar shumë ndryshimet e fundit në qeveri, kreu i PD-së, Lulzim Basha tha se ato do jenë edhe më inkurajuese për ta vijuar protestën.
“Largimi i çirakëve na inkurajon për t’i shkuar deri në fund qëllimit tonë. Kjo lëvizje nuk ndalet, pasi republika e vjetër e krimit dhe që i trajton zgjedhjet si mundësi për të kapur pushtetin, do të bjerë. Republika e re është në fakt integrimi i vërtetë europian i Shqipërisë”, shtoi Basha i cili në emër të opozitës këmbëngul në largimin e Ramës dhe formimin e një qeverie teknike.
Në ditën e 24 të protestës, nga çadra, Basha tha se “në Parlament janë ulur njerëz që janë llumi i shoqërisë, njërëz të cilët nuk i lidh asgjë me Partinë Socialiste. Janë në Parlament dhe janë kryetarë bashkish. Kriminalizimi i politikës është gjëma unike. Shteti është i kapur nga krimi i organizuar”. /tesheshi.com/
