Bashkim Gashi nga Suhareka është njeriu i radhës i thirrur nga Specialja në Hagë për të dëshmuar, por që ka refuzuar të shkojë.
Eshtë Organizata e Veteranëve të Luftës së Ushtrisë Çlirimtare të Kosovës, e cila njofton se Gashi ishte në zyrën e kësaj të fundit, ku ka sqaruar se ftesa i është ofruar për datën 24 shtator 2019, por siç thuhet në njoftim ai nuk e ka pranuar pa sqarime shtesë.
Por vetë OVL UÇK, i ka sugjeruar atij që të shkojë për të dëshmuar dhe të mos krijojë precedentë për të tjerët.
Kujtojmë se dhe zgjedhjet e parakohshme në Kosovë, kanë si shkak thirrjen që Gjykata Speciale, e themeluar për të hetuar krime të mundshme të UÇK-së, i bëri Ramush Haradinajt në detyrën e kryeministrit, si ish-një nga komandantët e saj. Ky i fundit tha se jepte dorëheqje pas kësaj thirrjeje, çka çoi në zgjedhje të parakohshme. /tesheshi.com/
