Kremtimi i Ditës së Flamurit 28 Nëntori vazhdon të mbetet jashtë listës së festave shtetërore dhe kombëtare për shqiptarët e Maqedonisë. Përdorimi i flamurit gjithashtu mbetet në një gjendje diskutueshme pasi ligji aktual e definon që ai mund të përdoret vetëm në nivel komunal edhe atë në komuna ku shumicë janë shqiptarët. Ish-nënkryetari i Kuvendit të Maqedonisë, Hisni Shaqiri kërkon nga kompetentët shtetëror të respektohen dimensionet e flamurit kombëtar dhe kërkon dimensionin e njëjtë të flamujve e jo të dallojë ai kombëtari nga ai shtetërori. Shaqiri kërkon që flamuri shqiptar të vendoset në të gjitha vendet ku është edhe ai shtetëror.
Ndërkaq, historiani Skënder Asani në një prononcim për Alsat, thotë se statusi i flamurit në Maqedoni mund të quhet edhe dështim i politikbërjes i cili duhej të ishte zhvilluar ndryshe duke ndjekur procesin zinxhir me pikë nisje pavarësinë e Kosovës, anëtarësimin e Shqipërisë në NATO dhe hapjen e procesit të shtet formësisë së shqiptarëve në Maqedoni.
“Sa më shpejt të këndjellen dhe të drejtojnë popullin nga proceset eurointegruese, aq më shpejt populli shqiptar do të ketë prosperitetin e tij në Ballkan”, deklaroi Skender Asani.
Ndryshe ligji për përdorimin e flamujve parasheh që pushtetet lokale në të cilat mbi 50 % e popullatës janë pjesë e bashkësive etnike, ta përdorë flamurin e tyre, bashkë me atë shtetëror në objekte të karakterit lokal dhe publik. Pushteti lokal duhet të vendosë për datat ose evenimentet kur do të përdoret flamuri i bashkësive etnike. Ligji obligon që flamujt e kombësive, të jenë për 1/3 më të vogël se ai shtetëror. /tesheshi.com/
