Një ish-gardian nazist i kampit të përqendrimit të Aushvicit, pritet të dalë në gjyq në Gjermani me akuzën e vrasjes së të paktën 170 mijë personave.
Fjala është për Reinhold Hanning, aktualisht 94 vjeç, që dyshohet se ka dërguar me qindra të burgosurit hebrenj në dhomat e gazit. Ai vetë ka pranuar se ka qenë gardian në, por ka mohuar përfshirjen e tij direkt në vrasjet masive.
Disa të mbijetuar të kampit të vdekjes pritet të dëshmojnë kundër tij. “Oxhaqet nxirrnin zjarr… era e trupave të njerëzve që digjeshin ishte aq e pabesueshme saqë askush nuk e duronte dot”, ka thënë një prej dëshmitarëve, 94-vjeçari Leon Schëarzbaum.
Vitin e kaluar një gjykatë gjermane dënoi Oskar Groening, po ashtu 94 vjeç, me 4 vjet burg për ndihmë në vrasjes së 300 mijë njerëzve në Aushvic.
I njohur ndryshe edhe si “llogaritari i Aushvicit”, Groening ishte edhe njeriu që numëronte paratë që u konfiskoheshin të burgosurve. /tesheshi.com/
