Ish-ministri Xhafaj ka dalë kundër mazhorancës në lidhje me pezullimin e punës në gjykata e prokurori. Në fakt, Rama paralajmëroi nisjen shpejt të punës në sektorin e drejtësisë.
Megjithatë, njeriu që drejtori Reformën në Drejtësi e ka parë si emergjencë nisjen e proceseve.
“Një pjesë e njerëzve të drejtësisë janë solidarizuar për të dhuruar një pjesë të pagave të tyre. Shumë prej tyre, Gjykata e Lartë dhe prokurorët kryesisht, janë në krye të detyrës këto ditë.
Shumë çështje presin të shqyrtohen, vendime që të zbardhen. Kjo është realisht gjëja që na duhet. Gjyqtarët dhe prokurorët, Organet e vetingut, KED, ILD, KLGJ dhe KLP, gjithë sistemi i Drejtësisë nuk mund të karantinohet!
#COVID19 nuk është shkak për bllokimin e plotë të hetimeve & gjykimeve. Nuk mund të humbim më shumë kohë me procesin e ringritjes të drejtësisë së re”, shkroi Xhafaj. /tesheshi.com/
