Arnaud Montebourg, ish-ministër i ekonomisë dy vite më parë në qeverinë franceze, ka deklaruar se do të jetë kandidat në zgjedhjet presidenciale në vend vitin e ardhshëm.
I fundit mes ish-ministrave gjatë kohës së qeverisjes së presidentit François Hollande që shpall kandidaturën, ai e ka akuzuar presidentin për tradhtim të idealeve të së majtës, duke e nxitur atë të mos kërkojë një mandat të dytë.
“Jam kandidat sepse është e pamundur për mua që ta mbështes presidentin e tanishëm. Për mua, ky mandat presidencial nuk mund të mbrohet,” ka thënë të dielën në një aktivitet Montebourg.
Ish-ministri, që i quajti të çuara dëm katër vitet në qeverisjen e presidentit Hollande, nuk tha nëse do të marrë pjesë në garën paraprake të së majtës për zgjedhjen e kandidatit, apo nëse do të garojë në mënyrë të pavarur në zgjedhjet presidenciale të vitit tjetër.
Socialistët kanë vendosur t’i mbajnë zgjedhjet paraprake në janar, dhe mbështetësit e presidentit Hollande i shohin ato si një mundësi për mënjanimin e rivalëve dhe për unifikim. /tesheshi.com/
