Që nga arrestimi i tij, ish-ministri Lefter Koka është shfaqur për herë të parë në sallën e gjyqit, duke bërë një mbrojtje të vetëvetes në çështjen e inceneratorëve. Sipas tij, akuzat që i janë bërë janë idiote.
Koka u përbetua kurrë s’ka future dorën në xhepat e dikujt dhe se ai është viktimë e ish-partisë së tij, LSI-së.
“Një e vërtetë e thënë përgjysmë është e pavërtetë. Prokuroria u bazua tek kallëzimi LSI dhe për dy vite nuk më mori në pyetje asnjëherë.
Unë si ministër, Sekretari i Përgjithshëm dhe Komisioni kemi zbatuar me përpikmëri ligjin. Bëmë punën më të mirë dhe shërbyem me devotshmëri. Është kohë e vështirë që kërkon burra e burrni, unë si kam borxh askujt ta paguaj me lirinë time!
Akuza e prokurorisë është idiote!
Kam hyrë në politikë si biznesmen dhe s`më bëri politika biznesmen. Po kthehemi 45 vite para në proceset e stisura të sistemit komunist. Është një alarm jo vetëm për mua por për të gjithë shoqërinë. Ky proces është i manipuluar fund e krye dhe besoj se e vërteta do të triumfojë.
Nuk ekziston asnjë kontakt ose njohje me pronarët e inceneratorëve; ato nuk i solla unë por erdhën si propozim nga bota e biznesit.
Prokurori devijoi hetimet dhe fraksionoi dosjen për të mos zbuluar të vërtetën.
Drejtësia më herët sesa vonë do të dalë. Intriga e këtij procesi dashakeqës do të dalë dhe uroj të shërbejë për konsolidimin e mëtejshëm të reformës në drejtësi. Prokurori fshehu 40 fashikuj hetimorë ku gjenden provat për pafajësinë time. Më janë vënë në dispozicion nga gjykata një javë më parë. Akuza pësoi mutacione për t’i qëndruar besnike kallëzimit të LSI. Kurrë nuk i kam futur dorën në xhep dikujt”, ishin fjalët e ish-ministrit pas hekurave. /tesheshi.com/
