Nga Mensur Krasniqi
Profesori universitar dhe njwwherwsh ish-ministër i jashtëm i Maqedonisë, Denko Maleski në kolumnën e tij të fundit ka shkruar se është i domosdoshëm uniteti midis shqiptarëve dhe maqedonasve. Nëse kjo nuk ndodh, Maqedonia nuk ka perspektivë dhe vetëm e vështirëson anëtarësimin në BE dhe në NATO.
Sipas tij, Marrëveshja e Ohrit mundësoi që shqiptarët të mos majorizohen nga maqedonasit.
“Demokracia konsensuale e cila mbron nga rreziku i majorizimit me mbi votimin, të vendosur në Marrëveshjen Kornizë të Ohrit, është baza e rregullimit politik në vend. Nacionalizmi qytetar i cili po bashkon të drejtat individuale të qytetarëve dhe vlerat e përbashkëta është një urë e tillë e unitetit, urë e krijuar nga ndjenjat e përbashkëta të krenarisë me shtetin e saj të lirë dhe demokratik, Maqedoninë”, shkroi Denko Maleski.
Ai në vazhdim shtoi duke thënë se të gjithë flasin për të drejtën e shprehjes, por hiç më pak i rëndësishëm për unitetin e shtetit është liria nga frika e pushtetit për t’u shprehur lirshëm.
Përveç tjerash, “Maleski shpreh keqardhje për shtetin maqedonas qw ka krijuar aleancw me shtete si Rusia dhe Serbia.
“Gjithashtu është koha që të përshëndetemi me një lamtumirë me Serbinë dhe Rusinë, dy shtete qe së bashku me neve, festojnë me kalendarin e vjetër dhe t’i bashkohemi botës në festimin e krishtlindjeve, dhe menjëherë pas kësaj edhe vitit të ri”, përfundoi Maleski.
Profesori universitar, Denko Maleski njihet për qëndrimet kritike ndaj fushatave me teza nacionaliste të kryeministrit Nikolla Gruevski, dhe është ithtar i unitetit dhe jetesës multietnike në Maqedoni. /tesheshi.com/
