Ish-ministri i Kulturës, Astrit Haraqija ka reaguar pas deklaratave të Behgjet Pacollit lidhur me problemin e privatizimit të Hotelit Grand.
Pacolli mbrëmë akuzoi Haraqinë për 3.6 milionë euro “haraç” lidhur me Grandin, derisa sot Haraqija përmes një postimi në Facebook i ka hedhur poshtë këto akuza.
Haraqija ka thënë Pacolli duhet të tregoj për vrasjen e Jusuf Gërvallës.
“E pashë që mu paska laku emri prap lidhur me problemin e Grandit. Pra, për akuzat e Behgjet Pacollit ka pas hetime edhe jom shfajësu prej Prokurorisë, por që ka prova shtesë mund të hapen prap hetimet.
Me sa di unë ka një padi që tre vjet në gjykatë dhe po pres vendimin e drejtësis që gjithçka ka qenë shpifje! Unë kam durim. Po masi po flasim për hetime e implikime në krime, po du me pyet Behgjet Pacollin, qysh ja shpjegon shqiptarëve e familjarëve që vetura e regjistruar me emër të Behgjet Pacollit, me të cilën është kry krimi ndaj Jusuf Gërvallës me shokë, mbahet si dëshmi në Policinë e Gjermanisë?”, ka shkruar Haraqija. /tesheshi.com/
