Ish-ministri i Kulturës në qeverinë Berisha, Bujar Leskaj, i ka dhënë një leksion ish-shefit të tij politik teksa nuk ka pranuar direktivat e tij, dhënë në kushtet kur drejton Kontrollin e Lartë të Shtetit.
Teksa raportonte në parlament për punën 1-vjeçare të KLSH-së, Leskaj është përballur me kërkesën e Berishës për ta quajtur Ramën dhe qeverinë si “hajdutë”, por Leskaj ka rezervuar tjetër përgjigje:
“I dashur Doktor, besoj se KLSH dhe unë e kemi bërë punën time audituese.Nuk mund të kalojmë ato vija që ligji nuk na i lejon. Ne audituesit nuk bëjmë politika, ne auditojmë zbatimin e politikave. Nëse unë si kryetar i KLSH në punën time në këto vite do të kaloja në këtë fushë riskoja pavarësinë e institucionit. Mund të kisha fituar disa kredite vetë por nuk ishte mirë për institucionin”, ka deklaruar ish-ministri i PD-së, Bujar Leskaj.
Ky i fundit, do të mbahet mend në historinë politike të tranzicionit si njeriu që u angazhua të largonte Armando Dukën nga kreu i FSHF-së, por që nuk ia doli. Edhe pse i përmendi një “gozhdë” që priste t’i ngulej e t’i dhembte. /tesheshi.com/
