Nga Donat Maloku
Problemet me listat e Veteranëve të Ushtrisë Çlirimtare të Kosovës (UÇK), nuk kanë të ndalur.
Në listën e tyre të publikuar nga Komisioni Qendror i Qeverisë së Kosovës, i udhëhequr nga deputeti i Partisë Demokratike të Kosovës, Agim Çeku, kanë mbetur jashtë listës veteranw të vërtetë që rrezikuan jetën e tyre për Kosovwn e lirw, kurse befasisht në lista gjenden emra njerëzish që gjatë luftës nuk ishin fare në Kosovë dhe që për asnjë minutë nuk e kishin kapur pushkën me dorën e tyre.
Pas publikimit të listave për Zonën Operative të Dukagjinit, ashtu sikurse edhe në rastet e zonave të tjera operative, janë shfaqur pakënaqësi e shqetësime te një pjesë e ish-luftëtarëve.
Jo të gjithë që kanë kontribuar në luftë, do të mund të përfitojnë beneficione. Një fat të tillë e ka edhe Gazmend Sinanaj nga Isniqi i Deçanit i cili edhe pse luftoi nuk figuron në listat e veteranëve, por vetëm te lista e pjesëmarrësve të luftës, të cilët nuk gëzojnë asnjë benificion. Ai mendon se në përpilimin e listave të veteranëve duart i ka futur politika, por ka bërë të ditur se nuk do të ndalet derisa t’i njihet statusi i veteranit për kontributin që ka dhënë në luftë për çlirimin e vendit nga okupatori serb.
Më poshtë mund të lexoni rrëfimin e Gazmend Sinanaj dhënë për portalin “Te Sheshi”, ku tregon se në cilën brigadë ka qenë, në cilat zona ka luftuar dhe habinë kur ka parë se emri i tij nuk është në listat e veteranëve.
“Luftës i jam bashkuar në fillim të vitit 1999, fillimisht në fashtin tim të lindjes, Isniq, ku si shumë ushtarë të UÇK-së jemi ballafaquar me mjaft vështirësi, por falë këmbëngësisë ia kemi arrtiru qëllimin në çlirmin e vendit. Më pas kam marrë pjesë edhe në fshatin Lybeniq, dhe në fund në Rugovë. Kemi hasur në shumë vështirësi dhe i njoh të gjithë ata që kanë luftuar dhe asnjëherë nuk e kanë bërë një punë për përfitime matriale, por që I kemi dal zot adheut, atëherë kur është dashur. Por, problem lindi tash pas publikimit të listave të veteranëve. Unë kam qenë në brigadën “Jusuf Gërvalla”, dhe çuditërisht nuk figuroja te lista e veteranëve, por vetëm te lista e pjesëmarrësve të luftës, të cilët nuk gëzojnë asnjë benificion. Më çudit fakti se pse po tallen me njerëzit që kanë lufutar, e them këtë se në listë kanë futur njerëz që kurrë nuk e kanë kapur pushkën, bile ka të atillë që gjatë asaj kohe kanë jetuar jashtë vendit, apo edhe të atillë që kanë qenë të vegjël në moshë dhe sot janë veteran. Këtu i futi duart sërish politika dhe e deformojë punën e mirë që ishte duke u bërë. Unë pa dyshim se do të ankohem, sepse zyrtarisht dua të më njihet edhe mua statusi i veteranit për kontributin e dhënë”, ka rrëfyer Sinanaj.
/tesheshi.com/
