Ish-futbollisti i Real Madridit, Edwin Congo, 43 vjeç, u arrestua në një aksion policor me dyshimin se ishte i lidhur me bandat e kontrabandës së kokainës.
Mediat spanjolle deklarojnë se Kongo u arrestua dhe u la i lirë pas një marrjeje në pyetje prej një ore.
“Kjo nuk është aspak një situatë e mirë, por unë jam në shtëpi. Po qetësohem pak. Ata më bënë disa pyetje dhe më lanë të shkoja në shtëpi,” tha Kongo.
Siç tha ai, policia i ka thënë që do ta thërrisnin përsëri.
“Unë jam aktualisht i lirë. Unë jam i qetë sepse nuk kam kontrabanduar kokainë,” tha Kongo.
Edwin Congo arriti në Real Madrid në 1999, me të cilin ishte nën kontratë deri në 2002. /tesheshi.com/
