Rio Ferdinand ka zbuluar se i është nënshtruar transplantit të flokëve dhe mjekrës në një klinikë turke në një video mbresëlënëse promovuese.
Anglezi legjendar dhe ish-lojtari i Manchester United ka vizituar një spital në Stamboll për trajtim.
Në një video të postuar në rrjetet sociale nga klinika, Ferdinand, i cili është 45 vjeç dhe tani është një komentues i njohur televiziv në TNT Sports, thotë: “Kam ardhur këtu për të rregulluar mjekrën time, kam disa vrima, disa boshllëqe.
“Unë jam duke bërë një transplant flokësh. Mezi pres ta bëj”.
Videoja tregon Ferdinandin duke mbërritur në klinikë, duke përshëndetur mjekun dhe duke kaluar nëpër faza të ndryshme të trajtimit të zëvendësimit të flokëve.
Në fund, ai shihet duke firmosur një fanellë të Manchester United e cila do t’i bashkohet kujtimeve të ngjashme të dhëna nga futbollistët e tjerë që kanë vizituar klinikën.
Një pamje tregon Ferdinandin duke admiruar një koleksion fanellash me firma, duke përfshirë ato të Liverpoolit, Marsejës, Brazilit dhe Kroacisë. /tesheshi.com/
