Ish-legjenda e futbollit serb, me Z-në ruse

Dushan Saviç, një ish-futbollist i famshëm serb dhe legjenda e Crvena Zvezda-s, ka pozuar me një bluzë me shkronjën Z, një simbol i mbështetjes për pushtimin rus të Ukrainës.

Shkronja Z është në automjetet e ushtrisë ruse për ta dalluar atë nga ato ukrainase. Së fundi, në disa pjesë të Gjermanisë është e ndaluar shfaqja e këtij simboli.

“Kushdo që mbështet agresionin e Rusisë përmes simbolit Z duhet të llogarisë ndjekjen penale…”, tha shteti federal gjerman i Saksonisë së Ulët.

Saviç, i cili ka pasur shpërthime të shumta nacionaliste në të kaluarën, tha më herët se Rusia do ta fitonte këtë luftë.

“Kush e di se çfarë do të ndodhë, por unë e di se në fund Rusia me siguri do të fitojë dhe se ky Perëndim i neveritshëm, i kalbur do të mposhtet. Fatkeqësisht, shumë njerëz të pafajshëm kanë vdekur dhe kanë humbur jetën, por unë mendoj se bota do të kthjellohet dhe do vjen në vete….”, tha ai.

Postimi i tij në Insta ka ngjallur reagime të shumta pakënaqësie.

“Lojtar i mirë por budalla”, ishte një nga komentet. /tesheshi.com/