Ish-kryeministri izraelit Ehud Barak pranoi në kanalin amerikan CNN se Izraeli ndërtoi strehimore dhe hapi tunele nën spitalin Al-Shifa 40 ose 50 vjet më parë.
Kjo përgjigje pasoi një pyetje nga gazetarja Christiane Amanpour në lidhje me pretendimet e Izraelit se një seli e Hamasit ndodhet poshtë spitalit Al-Shifa.
Barak tha se dihet prej shumë vitesh që nën këtë spital ka strehimore të ndërtuara nga izraelitët, të cilat tani janë selia e Hamasit.
Kalimi i disa tuneleve është pjesë e atij sistemi, shtoi Barak.
Amanpour më pas pyeti: “Ju po thoni se ky vend është ndërtuar nga inxhinierë izraelitë?”
“Ne ndihmuam në ndërtimin e këtyre strehimoreve ndoshta 40 ose 50 vjet më parë (gjatë periudhës kur okupimi kontrollonte Rripin e Gazës), për t’i siguruar spitalit më shumë hapësirë për operacione brenda një kampusi të kufizuar,” u përgjigj Barak.
Organizata Botërore e Shëndetësisë (OBSH) njoftoi të hënën se ekipet e saj kishin parë vetëm civilë në spitalin Al-Shifa në Gaza dhe se nuk kishte prova që Hamasi po e përdorte atë si një seli ushtarake.
Hamasi deklaroi se deklaratat e ushtrisë okupuese izraelite për përdorimin e kompleksit Al-Shifa për të burgosur të burgosurit izraelitë janë të rreme dhe mashtruese.
Këto deklarata synojnë të mbulojnë dështimin ushtarak të ushtrisë okupuese, tha Hamasi në një deklaratë të lëshuar të dielën, në përgjigje të një zëdhënësi të ushtrisë izraelite.
Pas disa ditësh rrethimi të kompleksit mjekësor Al-Shifa, ushtria izraelite bastisi kompleksin në agimin e së mërkurës së kaluar, ku strehohen mijëra civilë të zhvendosur nga shtëpitë e tyre dhe qindra të plagosur gjatë bombardimeve izraelite të Rripit të Gazës. /tesheshi.com/
