Ish-Kryeministri Sali Berisha ka reaguar gjatë kohës që mbahej Kongresi i Partisë Socialiste. Nëpërmjet një shkrimi në Facebook, Berisha uron duke ironizuar kryetarin Rama, të cilin e quante pazgjedhshëm dhe të përjetshëm.
“Gëzuar Kongresin pa garë! Kongresin e kryetarit tuaj të pazgjedhshëm, kryetarit tuaj të përjetshëm. Amin!”, – shkruan Berisha, ndërsa e cilëson këtë Kongresi si kongresin e partisë së Edi Ramës dhe sivllaut të tij shpirtëror Koço Kokëdhima.
“Ky kongres mblidhet pasi Edi Rama ka shndërruar Partinë Socialiste në partinë e mafies dhe krimit të organizuar, ku sipas ligjit të mafies, kryekumbara vendos për gjithçka.
Kongresi mblidhet pasi Edi Rama ka shndërruar Partinë Socialiste në Partine Kanabiste të Kokëdhimës”, – shkruan Berisha.
Ai vijon më tej duke shtuar se Kongresi mblidhet pasi Edvin Kristaq Rama riktheu Partinë Socialiste në kohërat më të zeza të historisë së saj, kohërat hoxhiste, me kryetar të pazgjedhshëm dhe kryetar të përjetshëm, por që kësaj radhe nuk quhet Enver Halil Hoxha, por Edvin Kristaq Rama, që shpall veten të pazgjedhshëm dhe të përjetshëm!
“Urimi i vetëm që të vjen vetvetiu për kongresmenët e mbushur plot kusare, vrasës, trafikantë droge, prostitucioni, pengmarrës dhe hajdutë ordinerë është: Gëzuar Kongresin pa garë, kongresin e kryetarit tuaj të pazgjedhshëm, kryetarit tuaj të përjetshëm, Amin!”, – përfundon reagimin e tij ish-kryeministri Sali Berisha. /tesheshi.com/
