Atmosferës së rënduar të raporteve shqiptaro – greke me deklarime këndej dhe andej kufirit, i është shtuar së fundi dhe ish-kryeminsitri konservator Antonis Samaras.
Ashtu siç anëtarë të qeverisë së Tciprasit, edhe ai ka vënë në një linjë Erdoganin dhe Ramën në komentet e tij si të pozicionuar kundër Greqisë.
Në një intervistë të dhënë së fundi, Samaras ka thënë se “nuk është vetëm Erdogani që po kërcënon, por dhe Rama”.
Sipas tij, është pikërisht gjendja e dobësuar e Greqisë, rënia e ndikimit të saj në arenën ndërkombëtare ajo që ka inkurajuar Turqinë dhe Shqipërinë të reagojnë duke provokuar.
“Dobësimi i Greqisë ka inkurajuar fqinjët, të cilët po na provokojnë”, është shprehur Samaras.
Edhe pse kundërshtar politik, ai u ka dhënë të drejtë qëndrimeve të ministrit të Jashtëm, Kotzias lidhur me sjelljen e dy vendeve e sidomos Shqipërisë. /tesheshi.com/
