Se kriza politike në Maqedoni dita ditës po thellohet shumë e më shumë, së fundmi në emisionin “10 minuta” për tv 21 ka folur edhe kryetari i parë i kuvendit të Maqedonisë së pavarur, Stojan Andov. Sipas tij, kryetari aktual i Kuvendit menjëherë duhet t’u bëjë thirrje deputetëve të kthehen në seanca kuvendore, sepse në të kundërtën, siç tha ai, do të shkelë kushtetutën.
“Ekzistojnë dy shkelje serioze të Kushtetutës nëse nuk thirret Kuvendi, ndërsa këto gjëra në vetvete tërheqin edhe të tjera përgjegjësi. Përveç përgjegjësisë politike, ai do të përgjigjet edhe penalisht, andaj Trajko Veljanovski le të mendohet mirë për këtë punë”, tha Stojan Andov.
Hapin e VMRO-së për të shkuar në zgjedhje si e vetmja parti, Andovi e cilësoi si dëshpëruese.
“Gruevski po luan me shtetin, por edhe me fatin e tij. Për gjithçka që po bisedon apo negocion tani, është kundër interesave të shtetit”, ka shtuar Andov.
Një situatë të tillë të krizës politike sipas Andov, Maqedonia nuk e ka pasur që nga viti 1967. Edhe pse në kushte të një sistemi partiak, që atëherë sipas tij, ka pasur kandidat dhe lista të pavarura. /tesheshi.com/
