Ish-drejtori i shërbimit të brendshëm të inteligjencës izraelite Shin-Bet (Shabak), Yoram Cohen, tha se ndërsa ishte kreu i agjencisë, kryeministri Benjamin Netanyahu i kërkoi të dëgjonte bisedat telefonike të ministrave dhe zyrtarëve të sigurisë.
Në një intervistë për transmetuesin publik izraelit KAN, Cohen tha se Netanyahu ka dhënë urdhër për përgjimin e bisedave telefonike të disa zyrtarëve të lartë.
Ai vuri në dukje se Netanyahu, duke pretenduar se ishte i shqetësuar për një “çështje të ndjeshme” të zbuluar pas një takimi sigurie, kishte lëshuar urdhra për të përgjuar telefonat e ministrave dhe zyrtarëve të sigurisë që merrnin pjesë në takim.
Cohen pretendon se për shkak të akuzave për korrupsion kundër tij, Netanyahu kreu “shkatërrimin sistematik të institucioneve më të rëndësishme kombëtare në vend”.
Si reagim, zyra e kryeministrit izraelit tha se Cohen “u përpoq të paraqiste një rast tjetër të fabrikuar”, por akuzat e tij nuk u hodhën poshtë plotësisht.
Më tej thuhet se kryeministri Netanyahu u përpoq vetëm të mbronte një “sekret të rëndësishëm shtetëror” dhe veproi në përputhje me ligjin. /tesheshi.com/
