Ish-kreu i shërbimit të brendshëm të inteligjencës izraelite Shin-Bet, Ami Ayalon, tha se nëse ai do të ishte palestinez, do të luftonte kundër Izraelit për të fituar lirinë.
Në një intervistë për ABC Neës Australia, Ayalon komentoi sulmet monstruoze izraelite në Gaza dhe i quajti “terroristë” ministrat izraelitë të sigurisë kombëtare dhe financave.
Duke iu përgjigjur një pyetjeje në lidhje me situatën e palestinezëve nën sulmet izraelite, Ayalon tha se Izraeli kontrollon jetën e miliona palestinezëve.
“Këto janë jetët e njerëzve që ëndërrojnë lirinë, por nuk e shohin. Duam apo jo, ne kontrollojmë jetën e miliona këtyre njerëzve”, tha ai.
Kur u pyetën “nëse do të ishit një palestinez që jeton në Gaza ose në Bregun Perëndimor të pushtuar, cili do të ishte qëndrimi juaj ndaj Izraelit?”, Ayalon u përgjigj: “Unë do të luftoja kundër Izraelit për të fituar lirinë time. Do të bëja gjithçka për të arritur lirinë time”.
Ai kritikoi ashpër ministrin e Financave të ekstremit të djathtë të Izraelit Bezalel Smotrich dhe ministrin e Sigurisë Kombëtare Itamar Ben-Gvir.
“Unë i shoh ata si terroristë. Ata përfaqësojnë një pjesë të vogël të shoqërisë izraelite, por fuqinë e tyre e marrin nga sistemi i koalicionit qeverisës”, tha Ayalon.
Kur gazetari tha se nuk e kuptonte pse Izraeli duhej të vriste kaq shumë fëmijë palestinezë, Ayalon tha se ishte kundër kësaj.
“Ne nuk kemi nevojë për këtë,” vuri në dukje ai dhe shtoi: “Hamasi është vendosur mes civilëve”. /tesheshi.com/
