Ish-drejtori i përgjithshëm i Doganave në ish-qeverinë e Berishës, Flamur Gjymishka e ka quajtur mjeran kryeministrin Rama në lidhje me një deklarim të tij mbi Doganat, të enjten mbrëma në studion e Opinion-it. Sipas Gjymishkës, Rama ka keqinformuar lidhur me një të dhënë, të cilën, ish-drejtuesi i tyre ka zgjedhur ta sqarojë në pak reshta me anë të një statusi në FB:
Kryeminister mjeran!
Nuk eshte ne etiken e komunikimit dhe sjelljes sime te fyej njeri e aq me teper kryeministrin e vendit tim, sic bejne miqte e tij duke e quajtur palaco apo dhe me epitete te tjera, ndaj e quaj mjeran.
Kryeministri ne “Opinion” deklaron se ne dogana kemi bere ndryshime te rendesishme, kemi ngritur analizen e riskut qe nuk ka ekzistuar me pare dhe ka nje vleresim nga BE qe nuk ka ekzistuar me pare. Te genjesh kaq ashiqare pa i bere syri terr, vetem Edi Rama e ben.
A e di Kryeministri se:
Sektori i analizes se riskut ne dogana eshte krijuar ne vitin 2005.
Ne vitin 2007 eshte aplikuar ne sistemin elektronik.
Ne vitin 2010 eshte krijuar Drejtoria analizes se riskut (me disa sektore) e cila ka ne perdorim nje salle monitorimi moderne.
Ne vitin 2012 analiza e riskut u perfshi ne nje projekt IPA te BE-se me vlere 1ml euro dhe qe nga ai vit nuk ka asnje ndryshim, as ne organizim, as ne funksionim apo trajnim te kesaj strukture.
Cdo njeri mund te konsultohet me raportet e komisionit te BE-se nder vite ku dogana vleresohet si Institucion pararoje ne permbushje te kushteve te vendosura nga BE. Pa plotesuar keto kushte nuk mund te behej liberalizimi i vizave.
A e di Rama se qe ne vitin 2013 eshte mundesuar nje projekt i nje sistemi qendror per identifikimin e radioaktivitetit me vlere 1.2 ml euro por qe administrata e tij akoma nuk e ka implementuar?
A e di Rama se pas vitit 2013 dogana nuk ka perfituar asnje projekt te ri por vazhdon te implemenotje projektet e perftuara nga qeveria Berisha me fondet e BE-se?
Rama krenohet me skanerat qe deri dje desh ti largonte.
A e di Kryeministri qe punonjesit e administrates i njohin keto fakte dhe kur e degjojne genjeshtrat e tij zhgenjehen nga Kryeministri tyre?
Jo vetëm për këtë çështje, por dhe për të tjera, opozita pretendon se Rama po ia merr meritat e së djeshmes në qeverisje duke i shfrytëzuar në interes të tij sot. Ky debat ishte dhe mbi hidrocentralin e Banjës që sapo ka nisur punë, për të cilën opozita tha se është meritë e saj përfundimi i një investimi të huaj me sukses të plotë. /tesheshi.com/
